پاکستان اور پی سی سی سیلیکٹ الیون کے درمیان جاری وارم اپ میچ کے دوسرے روز قومی ٹیسٹ ٹیم کے کپتان بابر اعظم بیٹنگ کے دوران ہاتھ پر گیند لگنے سے زخمی ہو کر عارضی طور پر گراؤنڈ سے باہر چلے گئے۔
پاکستان کرکٹ بورڈ (پی سی بی) کے ذرائع کے مطابق بابر اعظم کی انجری سنجیدہ نوعیت کی نہیں ہے اور ان کی حالت بالکل خطرے سے باہر ہے۔
ٹیم ڈاکٹر نے ان کا معائنہ کرنے کے بعد انہیں احتیاطی تدابیر کے طور پر آرام کا مشورہ دیا ہے تاکہ معمولی چوٹ شدت اختیار نہ کرے۔
پی سی بی کا کہنا ہے کہ ضرورت پڑنے پر بابر اعظم میچ میں دوبارہ بیٹنگ کے لیے دستیاب ہوں گے۔
ٹیم انتظامیہ ان کی فٹنس پر مسلسل نظر رکھے ہوئے ہے اور حتمی جائزے کے بعد آئندہ کے فیصل کیے جائیں گے۔
