Peshawar Zalmi defeated Hyderabad by 4 wickets after a thrilling encounter.-PSL
پاکستان سپر لیگ (پی ایس ایل) 11 کے 15ویں میچ میں پشاور زلمی نے سنسنی خیز مقابلے کے بعد حیدرآباد کنگزمین کو 4 وکٹوں سے شکست دے دی۔
نیشنل اسٹیڈیم کراچی میں کھیلے گئے میچ میں پشاور زلمی نے 146 رنز کا ہدف آخری گیند پر حاصل کیا افتخار احمد نے شاندار آل راؤنڈ کارکردگی کا مظاہرہ کرتے ہوئے میچ کے بہترین کھلاڑی کا اعزاز اپنے نام کیا۔
افتخار احمد نے 4 وکٹیں حاصل کیں، 2 کیچز پکڑے اور 15 رنز کی ناقابل شکست اننگز کھیل کر ٹیم کی فتح میں کلیدی کردار ادا کیا بیٹنگ میں بابر اعظم 46، کوشل مینڈس 27 اور بریسول 25 رنز کے ساتھ نمایاں رہے، جبکہ صائم ایوب نے 2 وکٹیں حاصل کیں۔
اس سے قبل حیدرآباد کنگزمین کی ٹیم 18.2 اوورز میں 145 رنز پر آؤٹ ہوگئی، کوشل پریرا 58 اور مارنس لبوشین 27 رنز کے ساتھ نمایاں بیٹر رہے۔
پشاور زلمی کی جانب سے سفیان مقیم اور افتخار احمد نے 4،4 جبکہ عامر جمال نے ایک وکٹ حاصل کی۔
میچ سے قبل ٹاس کے موقع پر پی ایس ایل کے سی ای او سلمان نصیر نے دونوں ٹیموں کے کپتانوں کے ہمراہ علامتی طور پر امن کی فاختہ اڑا کر ایران اور امریکا کے درمیان جنگ بندی میں پاکستان کے کردار کو خراج تحسین پیش کیا۔
