Former captain Tamim Iqbal appointed as new president of Bangladesh Cricket Board-BCB
بنگلا دیشی حکومت نے سابق کپتان تمیم اقبال کو بنگلا دیش کرکٹ بورڈ (بی سی بی) کا نیا صدر مقرر کر دیا ہے یہ فیصلہ منگل کے روز اس وقت سامنے آیا جب حکومت نے امین الاسلام کی سربراہی میں کام کرنے والے بورڈ آف ڈائریکٹرز کو تحلیل کر دیا۔
ذرائع کے مطابق یہ اقدام 5 رکنی تحقیقاتی کمیٹی کی سفارشات کی روشنی میں اٹھایا گیا، جس نے گزشتہ سال اکتوبر میں ہونے والے بی سی بی انتخابات میں بے ضابطگیوں کے الزامات کی تحقیقات کی تھیں کمیٹی نے اپنی رپورٹ وزارتِ کھیل کو پیش کی، جس کے بعد نئی تقرری عمل میں لائی گئی۔
37 سالہ تمیم اقبال بی سی بی کی تاریخ کے کم عمر ترین صدر بن گئے ہیں وہ ایک 11 رکنی ایڈہاک کمیٹی کی قیادت کریں گے، جس میں سابق کپتان منہاج الاسلام عابدین اور سابق کرکٹر و مبصر اتھر علی خان بھی شامل ہیں۔
