پی سی بی نے پاکستان سپر لیگ 11 کے ٹکٹ کی ریفنڈ پالیسی جاری کر دی

پاکستان کرکٹ بورڈ (پی سی بی) نے پاکستان سپر لیگ (پی ایس ایل) 11 کے ٹکٹ کی ریفنڈ پالیسی کا اعلان کردیا ہے۔

پی سی بی اعلامیے کے مطابق پی ایس ایل کے ٹکٹ جن اکاؤنٹس سے آن لائن بُک کیے گئے تھے، ان ہی اکاؤنٹس میں ٹکٹ کے پیسے ریفنڈ ہوں گے۔

اعلامیے کے مطابق ٹکٹ کے پیسے خودکار طریقے سے اکاؤنٹس میں واپس آئیں گے، ریفنڈ پراسیس 30 مارچ سے شروع ہوکر اگلے 15 دن میں مکمل ہوگا۔

پی سی بی اعلامیے کے مطابق ٹکٹ خریدنے والوں کو ریفنڈ کے لیے کوئی پراسیس کرنے کی ضرورت نہیں ہے، تاخیر کی صورت میں کسٹمرز کو متعلقہ بینک سے رجوع کرنا ہوگا۔

پی ایس ایل 11 کا آغاز جمعرات سے لاہور میں ہو رہا ہے، پہلے میچ میں دفاعی چیمپئن لاہور قلندرز اور نئی فرنچائز حیدر آباد کنگز مین مدمقابل ہوں گے۔