آئی سی سی ون ڈے رینکنگ جاری، سلمان آغا پہلی بار ٹاپ ٹین میں شامل

انٹرنیشنل کرکٹ کونسل (آئی سی سی) کی جانب سے تازہ ون ڈے رینکنگ جاری کر دی گئی ہے، جس میں پاکستانی کھلاڑیوں کی کارکردگی نمایاں رہی قومی ٹیم کے مڈل آرڈر بیٹر سلمان آغا پہلی بار ٹاپ ٹین میں شامل ہو گئے ہیں، انہوں نے شاندار کارکردگی کے باعث 9 درجے ترقی حاصل کر کے اہم سنگِ میل عبور کیا۔

بیٹرز کی فہرست میں نیوزی لینڈ کے ڈیرل مچل بدستور پہلی پوزیشن پر براجمان ہیں، جبکہ پاکستان کے اسٹار بیٹر بابر اعظم چھٹے نمبر پر موجود ہیں دوسری جانب فخر زمان کی رینکنگ میں 4 درجے تنزلی ہوئی ہے اور وہ 31ویں نمبر پر آ گئے ہیں۔

بولرز کی رینکنگ میں افغانستان کے راشد خان اپنی پہلی پوزیشن برقرار رکھے ہوئے ہیں، جو ان کی مستقل مزاجی کا ثبوت ہے۔