2017 Champions Trophy hero Sarfaraz Ahmed announces retirement from international cricket-PCB
پاکستان کرکٹ ٹیم کے سابق کپتان سرفراز احمد نے انٹرنیشنل کرکٹ سے ریٹائرمنٹ کا اعلان کر دیا انہوں نے اپنے کیریئر میں پاکستان کی جانب سے 54 ٹیسٹ، 117 ون ڈے اور 61 ٹی ٹوئنٹی انٹرنیشنل میچز کھیلے۔
سرفراز احمد نے تینوں فارمیٹس میں مجموعی طور پر 6164 رنز بنائے جبکہ وکٹوں کے پیچھے 315 کیچز اور 56 اسٹمپ آوٹ بھی کیے انہوں نے پاکستان کی 100 انٹرنیشنل میچز میں قیادت کی۔
ان کی قیادت میں پاکستان نے 2017 میں آئی سی سی چیمپئنز ٹرافی اپنے نام کی جبکہ ٹیم ٹی ٹوئنٹی انٹرنیشنل رینکنگ میں عالمی نمبر ایک بھی بنی۔
سرفراز احمد پاکستان کے واحد کپتان ہیں جنہوں نے جونیئر اور سینئر سطح پر آئی سی سی ٹائٹل جیتنے کا اعزاز حاصل کیا حکومتِ پاکستان نے انہیں 2018 میں پرائڈ آف پرفارمنس سے بھی نوازا تھا۔
ریٹائرمنٹ کے اعلان پر سرفراز احمد کا کہنا تھا کہ پاکستان کی نمائندگی کرنا ان کی زندگی کا سب سے بڑا اعزاز رہا اور 2006 کا انڈر 19 ورلڈ کپ اور 2017 کی چیمپئنز ٹرافی ان کے کیریئر کے یادگار لمحات ہیں۔
انہوں نے ساتھی کھلاڑیوں، کوچز، اہلِ خانہ اور مداحوں کی حمایت پر شکریہ ادا کرتے ہوئے کہا کہ وہ مستقبل میں بھی کسی نہ کسی شکل میں پاکستان کرکٹ کی خدمت کرتے رہیں گے۔
پاکستان کرکٹ بورڈ کے چیئر مین محسن نقوی سے ملاقات کی ، محسن نقوی نے پاکستان کرکٹ کے لئے سرفراز احمد کی گراں قدر خدمات کو سراہا ۔
چیئرمین پی سی بی نے سرفراز احمد کو انٹرنیشنل کرکٹ سے ریٹائرمنٹ پر اعزازی شیلڈ دی ،محسن نقوی نے سرفراز احمد کے مسقبل کے لیے نیک خواہشات کا اظہارکیا۔
