ICC releases schedule for T20 World Cup 2026-ICC
انٹرنیشنل کرکٹ کونسل (آئی سی سی) نے ٹی20 ورلڈ کپ 2026 کا شیڈول اور وینیوز جاری کر دیے ہیں ایونٹ کے میچز بھارت اور سری لنکا کے سات شہروں نیو دہلی، چنئی، کولکتہ، ممبئی، احمد آباد، کولمبو اور کینڈی میں کھیلے جائیں گے۔
پاکستان اپنے تمام میچز سری لنکا میں کھیلے گا، جبکہ روایتی حریف پاکستان اور بھارت کے درمیان بڑا ٹاکرا 15 فروری بروز اتوار شیڈول کیا گیا ہے پاکستان اپنے دیگر گروپ میچز 7، 10 اور 18 فروری کو کھیلے گا۔
ٹورنامنٹ کا آغاز 7 فروری جبکہ فائنل 8 مارچ کو احمد آباد یا کولمبو میں ہوگا اگر پاکستان فائنل میں پہنچا تو فائنل کولمبو میں منعقد کیا جائے گا۔
ایونٹ میں 20 ٹیمیں شریک ہیں جنہیں چار گروپس میں تقسیم کیا گیا ہے پاکستان، بھارت، امریکا، نیدرلینڈز اور نمیبیا گروپ اے میں شامل ہیں 7 سے 19 فروری تک روزانہ تین میچز کھیلے جائیں گے، جبکہ 20 فروری کو واحد میچ آسٹریلیا اور عمان کے درمیان ہوگا۔
سپر ایٹ مرحلہ 21 فروری سے یکم مارچ تک جاری رہے گا پہلا سیمی فائنل 4 مارچ کو کولکتہ یا کولمبو اور دوسرا سیمی فائنل 5 مارچ کو ممبئی میں کھیلا جائے گا۔
