South Africa beat Pakistan by 8 wickets to level the series-PCB
فیصل آباد کے اقبال اسٹیڈیم میں کھیلے گئے دوسرے ایک روزہ میچ میں جنوبی افریقہ نے کوئنٹن ڈی کوک کی شاندار سنچری کی بدولت پاکستان کو بآسانی 8 وکٹوں سے شکست دے دی اور تین میچوں کی سیریز 1-1 سے برابرکر دی۔
پاکستان نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 269 رنز بنائے سلمان آغا 69، صائم ایوب 53 اور محمد نواز 59 رنز کے ساتھ نمایاں رہے۔
جواب میں مہمان ٹیم نے ہدف 41ویں اوور میں دو وکٹوں کے نقصان پر حاصل کرلیا ڈی کوک نے ناقابلِ شکست 123 رنز کی شاندار اننگز کھیلی، جبکہ ٹونی ڈی زوری نے 76 اور پریٹوریئس نے 46 رنز بنائے۔
محمد وسیم اور فہیم اشرف نے ایک ایک وکٹ حاصل کی۔
سیریز کا فیصلہ کن تیسرا اور آخری ون ڈے 8 نومبر کو اقبال اسٹیڈیم فیصل آباد میں کھیلا جائے گا۔
