فجیرہ اوپن تائیکوانڈو چیمپئن شپ، پاکستان کے ہارون خان نے برونز میڈل جیت لیا

اردو انٹرنیشنل (اسپورٹس ویب ڈیسک) تفصیلات کے مطابق پاکستان کے ہارون خان نے فجیرہ اوپن تائیکوانڈو چیمپئن شپ میں کانسی کا تمغہ جیت لیا۔
یو اے ای کے شہر فجیرہ میں ہونے والی چیمپئن شپ کے سیمی فائنل میں ہارون خان کو ایران کے حسین پور علی رضا سے شکست کا سامنا کرنا پڑا۔
ہارون خان نے مسلسل 3 مقابلے جیت کر سیمی فائنل میں جگہ بنائی تھی، ہارون خان نے کویت اور ایران کے کھلاڑیوں کو شکست دے کر شاندار کارکردگی کا مظاہرہ کیا۔

سیمی فائنل میں شکست کے بعد ہارون خان کا کہنا تھا کہ مستقبل میں گولڈ میڈل جیتنے کے لیے مزید محنت کروں گا۔