چیمپئنز ٹرافی کے ٹکٹ کی فروخت آج سے شروع ہو گئی

اردوانٹرنیشنل (اسپورٹس ڈیسک) تفصیلات کے مطابق انٹرنیشنل کرکٹ کونسل (آئی سی سی) نے پیر کو اعلان کیا کہ آئی سی سی چیمپئنز ٹرافی 2025 کے دبئی میں کھیلے جانے والے میچوں کے ٹکٹ کی فروخت شروع ہو گئی ہے.

روایتی حریفوں پاکستان اور بھارت کے درمیان بلاک بسٹر مقابلہ اور پہلا سیمی فائنل سمیت کل چار میچوں کے ٹکٹ پاکستانی معیاری وقت شام 5 بجے سے خریداری کے لیے دستیاب ہو گئے ہیں.

مشہور دبئی انٹرنیشنل کرکٹ اسٹیڈیم میں منعقد ہونے والے میچوں کے ٹکٹوں کی قیمتیں 125 درہم سے شروع ہوتی ہیں۔

واضح رہے کہ ، آٹھ ٹیموں کے ٹورنامنٹ کے پاکستان کی میزبانی میں ہونے والے میچوں کی آن لائن فروخت پہلے سے ہی جاری ہے، جبکہ فزیکل ٹکٹس ملک بھر کے 26 شہروں میں 108 نامزد مراکز پر خریداری کے لیے دستیاب ہوں گے، اور شام 4 بجے سے خریداری کے لیے دستیاب ہوں گے۔

دریں اثنا، 9 مارچ کو کھیلے جانے والے ٹورنامنٹ کے انتہائی متوقع فائنل کے ٹکٹس پہلے سیمی فائنل کے اختتام کے بعد فروخت کے لیے پیش کیے جائیں گے۔

15 میچوں پر مشتمل آٹھ ٹیموں کا یہ ٹورنامنٹ 19 فروری سے 9 مارچ تک پاکستان اور دبئی کے تین مقامات کراچی، لاہور اور راولپنڈی میں چلے گا۔