Premier League: Manchester City beat Nottingham Forest 3-0
اردو انٹرنیشنل (اسپورٹس ویب ڈیسک) تفصیلات کے مطابق پریمیئر لیگ کے اہم میچ میں مانچسٹر سٹی نے مسلسل ناکامیوں کے سلسلے کو توڑتے ہوئے باٹنگھم فوریسٹ کو 3-0 سے شکست دی۔ یہ جیت سٹی کے لیے انتہائی اہم اور قیمتی تھی کیونکہ وہ پچھلے چار میچوں میں مسلسل ناکامیوں کا سامنا کرتے آرہے تھے جس سے منیجر گارڈیولا پر دباؤ بہت بڑھ گیا تھا۔
ناٹنگھم کے خلاف اس میچ میں سٹی کی جانب سے کیون ڈی بروئن نے شاندار کارکردگی کا مظاہرہ کیا اور یہ ان کا ستمبر میں انجری کے بعد پہلا میچ تھا کیونکہ سٹی کی ناکامیوں کے پیچھے اہم کھلاڑیوں کی عدم موجودگی بھی ایک اہم وجہ تھی لیکن بروئن نے اس خلاء کو بہت اچھے سے پر کیا اور ناٹنگھم فاریسٹ کے خلاف 3-0 کی فتح میں ایک گول اور ایک اسسٹ کے ذریعے اپنی واپسی کو کامیاب بنایا۔
میچ کے بعد ڈی بروئن نے کہا کہ مسلسل چار شکستوں کے بعد جیتنا ٹیم کے لیے بہت اہم تھا اور وہ کارکردگی سے مطمئن ہیں۔ انہوں نے اس بات کا بھی اعتراف کیا کہ ان کی ٹیم نے کھیل کا آغاز اچھا کیا، کچھ مواقع پیدا کیےاور کچھ غلطیاں بھی کیں لیکن مجموعی طور پر اچھی کارکردگی کا مظاہرہ کیا۔
بیلجیئن کھلاڑی ( ڈی بروئن)، جو انجری کی وجہ سے ٹیم سے باہر تھے، نے مانچسٹر سٹی کی انجریز کو ٹیم کے لیے مشکل قرار دیا۔ انہوں نے ٹیم کی دفاعی بہتری اور کلین شیٹ پر خوشی کا اظہار کیا۔
مانچسٹر سٹی، جو اس وقت 26 پوائنٹس کے ساتھ چوتھے نمبر پر ہے، اگلے ہفتے کرسٹل پیلس کے خلاف میدان میں اترے گی۔
