اردوانٹرنیشنل(اسپورٹس ڈیسک) تفصیلات کے مطابق قومی کرکٹ ٹیم کے کھلاڑیوں نے ایڈیلیڈ میں ہیڈ کوچ جیسن گلیسپی کی اکیڈمی کا دورہ کیا جہاں انہوں نے سہولیات کا جائزہ لیا۔
اپنے دورے کے دوران کھلاڑیوں نے گلیسپی کے ساتھ ان کی اکیڈمی میں وقت گزارا اور وہاں دستیاب ٹریننگ سینٹر کا جائزہ لیا۔
پاکستانی کھلاڑیوں نے پیشکش پر بولنگ مشینوں اور دیگر سہولیات کو سراہا انہوں نے اکیڈمی کی دکان سے کرکٹ کا سامان بھی خریدا۔
دورہ کرنے والے کھلاڑیوں میں صائم ایوب، عبداللہ شفیق، سلمان علی آغا، عامر جمال اور عرفات منہاس شامل تھے۔
اکیڈمی کے دورے کے علاوہ پاکستانی ٹیم نے ایڈیلیڈ میں ٹریننگ سیشن بھی کیا جہاں کھلاڑیوں نے نیٹ میں بیٹنگ اور باؤلنگ کی پریکٹس کی انہوں نے جسمانی مشقوں اور فیلڈنگ کی مشقوں میں بھی حصہ لیا۔
پاکستان اور آسٹریلیا کے درمیان دوسرا ون ڈے کل کھیلا جائے گا.
