بانی پی ٹی آئی اپنے اقتدار کیلئے لاشیں گرانا چاہتے ہیں،فیصل واوڈا
اردو انٹرنیشنل (مانیٹرنگ ڈیسک) نیشنل پریس کلب اسلام آباد میں پریس کانفرنس کرتے ہوئے سینیٹر فیصل واوڈا نے کہا ہےکہ بانی پی ٹی آئی اپنے اقتدار کیلئے لاشیں گرانا چاہتے ہیں،یہ چاہتے ہیں معصوم پاکستانیوں کا خون بہے۔
انہوں نے کہا کہ عمران خان کو پریشانی ہے کہ ملک سیدھی پٹری پر چل رہا ہے ، پٹرول سستا ہو رہا ہے ، بانی پی ٹی آئی پہلے خود کو ذہنی غلامی سے تو آزاد کریں اورآزادی کی جدوجہد کے لیے پہلے اپنے بیٹوں کو واپس بلائیں۔
سینیٹر فیصل واوڈا نے کہا کہ بانی پی ٹی آئی اپنی سیاست کے تابوت میں آخری کیل ٹھوک رہے ہیں، گنڈا پور ایک پیادہ ہے مگر اس کی زندگی بھی اہم ہے، اس کے پیچھے ایک کہانی چل رہی ہے، جو بدمعاشی اور غنڈہ گردی کی بات کررہاہے وہ وزیراعلیٰ ہے، آپ کے پی کے وسائل اپنے احتجاج کے لیے استعمال کر رہے ہیں۔
ان کا کہنا تھا کہ کے پی اور پنجاب کی پولیس آمنے سامنے کھڑی شیلنگ کررہی ہے،بیرسٹرگوہر شریف آدمی ہیں، ان کو کہہ دیا بزدل ہے نکال دیں،یہ کسی کے باپ کا ملک نہیں بھڑکیں مارنے کا کوئی فائدہ نہیں۔
فیصل واوڈا کا کہنا تھا کہ پاکستان کی خودمختاری کسی کا باپ بھی نہیں روک سکتا ،مجھے اس دوراہے پر نہ لایا جائے کہ پھر مجھے اپنے فون سے چیزیں سب کے سامنے رکھنی پڑیں، عدلیہ کو اپنا کردار ادا کرنا ہوگا۔
انکا مزید کہنا تھا کہ پی ٹی آئی کے اندر سے لاشوں کے ڈھیر گرانے کی تیاری ہے،بانی پی ٹی آئی کو اپنے اقتدار کیلئے لاشیں چاہئیں،یہ چاہتے ہیں معصوم پاکستانیوں کا خون بہے، یہ ڈی چوک اس لیے آئیں گے کیونکہ انہیں تصادم چاہیے، یہ بزدلی ہے کہ آپ غریبوں کو مروانے کے لیے احتجاج کررہے ہیں۔
انہوں نے کہا کہ بانی پی ٹی آئی پہلے خود کو ذہنی غلامی سے تو آزاد کریں، آزادی کی جدوجہد کے لیے پہلے اپنے بیٹوں کو واپس بلائیں، بانی پی ٹی آئی اپنی سیاست کے تابوت میں آخری کیل ٹھوک رہے ہیں، پی ٹی آئی کے لوگوں کا دماغ کدھر ہے۔
فیصل واوڈا کا مزید کہنا تھا کہ 2018 میں ہم نے مینڈیٹ چوری کیا آج انہوں نے کرلیا، فیض حمید کے سامنے اس وقت کھڑا ہوا جب وہ کرسی پر تھے۔
انہوں نے کہا کہ پریس کانفرنس کا مقصد عوام کو بچانا ہے، میری والدہ کا انتقال ہوا تو ان کا سوشل میڈیا پر تمسخر اڑایا گیا،ان میں سے نہیں جو 9 مئی کے بعد پریس کانفرنس کرکے الگ ہوئے۔
