اردو انٹرنیشنل اسپورٹس ویب ڈیسک تفصیلات کے مطابق فل فوڈن، کول پامر، اور اولی واٹکنز اپنے آنے والے نیشنز لیگ گیمز کے لیے انگلینڈ کی ٹیم سے باہر ہو گئے ہیں۔

فل فوڈن جو مانچسٹر سٹی کے لیے کھیلتے ہیں اور حال ہی میں پی ایف اے پلیئر آف دی ایئر نامزد ہوئے تھے، انھیں انگلینڈ کی ٹیم میں شامل ہونا تھا لیکن وہ بیمار ہونے کی وجہ سے ٹیم میں شامل نہیں ہوئے۔

اس کے علاوہ چیلسی سے کول پامر اور آسٹن ولا سے اولی واٹکنز نے اسکواڈ میں شمولیت اختیار کی لیکن صحت کے مسائلکی وجہ سے انہیں بھی تیم سے باہر ہونا پڑا ۔

انگلینڈ 7 ستمبر کو آئرلینڈ کے خلاف ڈبلن میں اور پھر 10 ستمبر کو فن لینڈ کے خلاف ویمبلے میں کھیلے گا۔ یاد رہے جولائی میں یورو 2024 کے فائنل میں اسپین سے ہارنے کے بعد یہ ان کے پہلے میچ ہوں گے۔

اس نقصان کے بعد، انگلینڈ کے منیجر گیرتھ ساؤتھ گیٹ نے انگلینڈ کے مینیجر کے عہدے سے استعفیٰ دے دیا، اورلی کارسلے، جو کہ انڈر 21 کے مینیجر تھے، کو انگلینڈ کے عبوری (عارضی) مینیجر کے طور پر مقرر کیا گیا۔

آنے والے میچوں کے لیے، کارسلے نے کچھ نئے کھلاڑیوں کو ٹیم میں‌شامل کیا ہے، جن میں اینجل گومز،ٹینو لیورامینٹو، مورگن گِبز-وائٹ اور نونی میڈوکے شامل ہیں۔ یہ کھلاڑی اس سے قبل کارسلے کے ماتحت کھیل چکے ہیں جب کارسلے انڈر 21 ٹیم کی قیادت کرتے تھے۔

مزید برآں، مانچسٹر سٹی سےجیک گریش اور مانچسٹر یونائیٹڈ سے ہیری میگوئیر کو اسکواڈ میں واپس بلا لیا گیا ہے۔ گریش کو پہلے یورو 2024 کے اسکواڈ سے باہر رکھا گیا تھا لیکن اب وہ ٹیم میں واپس آ گئے ہیں۔