پشین: پولیس لائن کے قریب دھماکا،2 بچے جانبحق،5 پولیس اہلکاروں سمیت 12 افراد زخمی
اردو انٹرنیشنل (مانیٹرنگ ڈیسک) بلوچستان کے ضلع پشین میں پولیس لائن کے قریب دھماکا ہوا ہے، جس کے نتیجے میں 2 بچے جاں بحق جبکہ 5 پولیس اہلکاروں سمیت 12 افراد زخمی ہوئے ہیں۔
مبینہ طور پر ریموٹ کنٹرول دھماکے سے ایک گاڑی اور موٹرسائیکل تباہ ہوگئی۔ لاشوں اور زخمیوں کو ہسپتال منتقل کردیا گیا۔
تاہم اب تک دھماکے کی نوعیت کا پتا نہیں چل سکا ہے۔
واضح رہے کہ 14 اگست کو کوئٹہ میں دو دستی بم حملوں میں ایک شخص جاں بحق جبکہ بچوں سمیت 11 افراد زخمی ہوگئے تھے۔
پہلا دھماکا زرغون روڈ پر جبکہ دوسرا ریلوے اسٹیشن پُل کے قریب ہوا۔
تمام زخمیوں کو ہسپتال منتقل کیا گیا جن میں سے ایک زخموں کی تاب نہ لاتے ہوئے چل بسا۔
