بی سی بی نے دورہ پاکستان کے لیے بنگلہ دیش اے کے کپتان کااعلان کر دیا

بنگلہ دیش کرکٹ بورڈ نے دورہ پاکستان کے لیے بنگلہ دیش اے کے کپتان کااعلان کر دیا

اردو انٹرنیشنل (اسپورٹس ڈیسک ) تفصیلات کے مطابق اوپننگ بلے باز انعام الحق بیجوئے کو ریڈ بال کا کپتان جبکہ مڈل آرڈر بلے باز توحید ہردوئے کو بنگلہ دیش اے کے دورہ پاکستان کے لیے وائٹ بال کا کپتان مقرر کیا گیا ہے۔

بنگلہ دیش کرکٹ بورڈ (بی سی بی) نے بدھ کو ایک پریس ریلیز کے ذریعے تقرریوں کی تصدیق کی۔

اس سے قبل، بورڈ نے منگل کو اپنے دورہ پاکستان کے لیے مخصوص اسکواڈز کا اعلان کیا تھا جس میں دو ریڈ بال میچز ہوں گے، جس کے بعد تین ایک روزہ میچوں کی سیریز ہوگی۔

انعام الحق بیجوئے نے 2013 سے 2022 تک پانچ ٹیسٹ میچوں میں بنگلہ دیش کی نمائندگی کی ہے انہوں نے 117 فرسٹ کلاس میچوں میں 44.18 کی اوسط سے 8000 سے زیادہ رنز بنائے ہیں۔

دریں اثنا، توحید ہردوئے نے لسٹ اے کرکٹ میں 48 کی اوسط سے 3000 سے زیادہ رنز بنائے ہیں مارچ 2023 میں اپنے ڈیبیو کے بعد سے انہوں نے بنگلہ دیش کے لیے 30 ون ڈے اور 29 ٹی ٹوئنٹی کھیلے ہیں۔

بنگلہ دیش اے اپنے دورہ پاکستان کا آغاز پہلے چار روزہ میچ کے ساتھ کرے گی، جس کا آغاز 10 اگست کو ہونا ہے، اس کے بعد دوسرا ریڈ بال میچ جو 17 سے 20 اگست تک کھیلا جائے گااور تین ایک روزہ میچوں کی سیریز 23 سے 27 اگست تک کھیلی جائے گا۔

قابل ذکر بات یہ ہے کہ قومی مینز ٹیم کے متعدد کھلاڑی 6 اگست کو پاکستان میں ‘اے’ سائیڈ کو جوائن کریں گے۔