چیمپئنز ٹرافی2025:آئی سی سی نےپاکستان میں میزبانی کے لیے 70 ملین ڈالر بجٹ کی منظوری دے دی
اردو انٹرنیشنل (اسپورٹس ڈیسک ) تفصیلات کے مطابق ٹائمز آف انڈیا نے جمعرات کو رپورٹ کیا کہ انٹرنیشنل کرکٹ کونسل (آئی سی سی) نے فروری.مارچ میں ہونے والی چیمپئنز ٹرافی 2025 کی میزبانی کے لیےپی سی بی کو 70 ملین امریکی ڈالر کے بجٹ کی منظوری دے دی۔
پریس ٹرسٹ آف انڈیا (پی ٹی آئی) نے اعلیٰ کرکٹ باڈی کے قریبی ذرائع کے حوالے سے بتایا کہ رپورٹ کے مطابق بورڈ آف کنٹرول فار کرکٹ انڈیا (بی سی سی آئی) کے سیکریٹری جے شاہ کی سربراہی میں آئی سی سی کی مالیاتی اور تجارتی کمیٹی نے یہ فیصلہ بجٹ کی مکمل جانچ پڑتال کے بعد کیا جسے پی سی بی اور آئی سی سی کے محکمہ خزانہ نے مشترکہ طور پر تیار کیا اور پیش کیا .
ذرائع نے مزید کہا کہ تخمینی بجٹ 70 ملین امریکی ڈالر کے لگ بھگ ہے اور صرف 4.5 ملین امریکی ڈالر اضافی اخراجات کے طور پر مختص کیے گئے ہیں۔
دریں اثنا، اضافی بجٹ کے مختص نے قیاس آرائیوں کو جنم دیا کہ اگر ہندوستان اپنے پڑوسی ملک کا سفر نہیں کرتا ہے تو اسے پاکستان کے علاوہ کسی اور مقام پر کچھ میچوں کی میزبانی کرنے کی اجازت دی گئی تھی۔
چیمپئنز ٹرافی 2025 فروری سے مارچ تک پاکستان میں ہونے والی ہے، تاہم، ٹورنامنٹ میں بھارت کی شرکت غیر یقینی ہے کیونکہ بورڈ آف کنٹرول فار کرکٹ ان انڈیا (بی سی سی آئی) نے ملک کا دورہ کرنے کے لیے حکومت سے اجازت طلب کی ہے۔
بھارتی میڈیا میں بی سی سی آئی کے ایک ذریعے کے حوالے سے خبریں سامنے آئیں کہ بھارتی ٹیم آئندہ آئی سی سی ایونٹ کے لیے پاکستان کا دورہ نہیں کرے گی۔