محمد علی کی بنگلہ دیش اے کے خلاف شاندار باولنگ، شاہینز کو جیت کے لیے 160 رنز درکار
اردو انٹرنیشنل (اسپورٹس ڈیسک ) تفصیلات کے مطابق محمد علی نے پاکستان شاہینز کے لیے کھیلتے ہوئے اتوار کو 6 وکٹیں حاصل کیں، ڈارون میں دوسرے چار روزہ میچ کے تیسرے دن بنگلہ دیش اے کو دوسری اننگز میں 216 کے مجموعی اسکور تک محدود کر دیا۔
میچ کے بعد فاسٹ باولر نے میڈیا سے بات کرتے ہوئے بنگلہ دیش اے کے خلاف اپنے باؤلنگ پلان کے بارے میں بات کی۔
محمد علی نے کہا کہ کوچز نے مجھے صحیح جگہوں پر گیند کرنے کا منصوبہ دیا “میں خوش ہوں کہ میری چھ وکٹوں کی کارکردگی نے ٹیم کو فائدہ پہنچایا۔”
انہوں نے کھیل کے طویل فارمیٹ میں صبر کی اہمیت پر مزید زور دیا۔
انہوں نے مزید کہا کہ چار روزہ کھیل میں وکٹ لینے کے لیے بے پناہ صبر اور مخصوص علاقے کو نشانہ بنانے کی صلاحیت کی ضرورت ہوتی ہے۔”
اکتیس سالہ باؤلر نے طویل اسپیل کرنے کے قابل ہونے کی اہمیت پر زور دیتے ہوئے کہا کہ یہ ہر تیز گیند باز کے لیے ایک اہم مہارت ہے۔
علی نے کہا کہ ایک تیز گیند باز کو اتنا مضبوط ہونا چاہیے کہ وہ طویل اسپیل کر سکےمجھے لمبے اسپیل کرنے کا بھی شوق رہا ہے اور یہ میرے لیے کوئی نئی بات نہیں ہے۔
پاکستان شاہینز کو جیت کے لیے مزید 160 رنز درکار ہیں جب انہوں نے 37 اوورز میں 4-136 کے مجموعی اسکور بنائے۔
کپتان صاحبزادہ فرحان نے آؤٹ ہونے سے قبل 70 گیندوں پر 10 چوکوں اور 2 چھکوں کی مدد سے 68 رنز بنائے انہوں نے حسیب اللہ کے ساتھ 96 رنز کی اوپننگ شراکت بھی کی، جنہوں نے ناقابل شکست 44 رنز بنائے۔
