بھارت بمقابلہ جنوبی افریقہ : ٹی ٹوئنٹی ورلڈ کپ فائنل کے لیے میچ آفیشلز کی تصدیق
اردو انٹرنیشنل (اسپورٹس ڈیسک) تفصیلات کے مطابق انٹرنیشنل کرکٹ کونسل (آئی سی سی) نے جمعہ کو ٹی ٹوئنٹی ورلڈ کپ 2024 کے فائنل کے لیے میچ آفیشلز کا اعلان کیا جو ہفتے کو بارباڈوس کے کنسنگٹن اوول میں بھارت اور جنوبی افریقہ کے درمیان کھیلا جائے گا۔
جنوبی افریقہ اور بھارت دونوں ٹی ٹوئنٹی ورلڈ کپ میں اب تک ناقابل شکست ہیں پروٹیز نے پہلے سیمی فائنل میں افغانستان کو یکطرفہ مقابلے میں شکست دی تھی جبکہ دوسرے سیمی فائنل میں روہت شرما کی ٹیم انگلینڈ پر حاوی رہی تھی۔
فائنل کے لیے تجربہ کار رچرڈ ایلنگ ورتھ اور کرس گیفانی آن فیلڈ امپائر ہوں گے رچرڈ کیٹلبرو تھرڈ امپائر کی ذمہ داری لیں گے جبکہ روڈنی ٹکر ہائی وولٹیج تصادم کے چوتھے امپائر ہوں گے۔