پاکستان بمقابلہ بنگلہ دیش: ٹیسٹ سیریز کے لیے عارضی شیڈول کا اعلان
اردو انٹرنیشنل (اسپورٹس ڈیسک) تفصیلات کے مطابق ذرائع نے رپورٹ کیا ہے کہ پاکستان اور بنگلہ دیش کے درمیان دو ٹیسٹ میچوں کی سیریز اگست 2024 کے آخر تک شروع ہونے کا امکان ہے۔
بنگلہ دیش 20 اگست کو پاکستان میں آ سکتا ہے اور پہلا ٹیسٹ اسی ماہ کی 25 تاریخ کو شروع ہونے کا امکان ہے دوسرا ٹیسٹ ستمبر کے پہلے ہفتے میں ہو سکتا ہے۔
ذرائع نے بتایا کہ مجوزہ شیڈول کے مطابق کراچی اور راولپنڈی میچز کی میزبانی کریں گے۔
بنگلہ دیش اور پاکستان کرکٹ بورڈ اس وقت سیریز کے شیڈول کو حتمی شکل دینے کے لیے بات چیت کر رہے ہیں۔
اس سے قبل جیو نیوز نے اطلاع دی تھی کہ ٹیسٹ کپتان شان مسعود، ہیڈ کوچ جیسن گلیسپی اور سلیکشن کمیٹی نے بنگلہ دیش کے خلاف ٹیسٹ سیریز کے لیے پاکستانی اسکواڈ سے متعلق بات چیت شروع کر دی ہے۔
امکان ہے کہ موجودہ وائٹ بال والے کپتان بابر اعظم، محمد رضوان اور شاہین شاہ آفریدی کو بنگلہ دیش کے خلاف ٹیسٹ میچوں کے لیے آرام دیا جائے گا جب کہ حارث رؤف کی ٹیم میں شمولیت پر بھی غور نہیں کیا جا رہا۔