پاکستانی کھلاڑیوں کی آئی سی سی ٹی ٹوئنٹی رینکنگ میں ترقی

اردو انٹرنیشنل (اسپورٹس ڈیسک) تفصیلات کے مطابق بدھ کو انٹرنیشنل کرکٹ کونسل (آئی سی سی) کی جانب سے جاری کردہ تازہ ترین اپ ڈیٹ کے بعد پاکستانی کھلاڑیوں نے اپنی ٹی ٹوئنٹی رینکنگ میں بہتری لائی۔

بائیں ہاتھ کے بلے باز فخر زمان ٹی ٹوئنٹی بلے بازوں کی فہرست میں چار درجے چھلانگ لگا کر 57 ویں نمبر پر پہنچ گئے جب کہ عماد وسیم 24 درجے ترقی کر کے ٹی ٹوئنٹی بولرز کی فہرست میں 52 ویں نمبر پر پہنچ گئے اور آئرلینڈ کے خلاف سیریز کے بعد ٹی ٹوئنٹی آل راؤنڈرز کے لیے پانچ درجے ترقی کر کے 16 ویں نمبر پر پہنچ گئے۔

ٹی ٹوئنٹی بلے بازوں کی فہرست میں محمد رضوان اور بابر اعظم بدستور بالترتیب تیسرے اور چوتھے نمبر پر ہیں۔

واضح رہے کہ منگل کو ڈبلن کے کلونٹرف کرکٹ کلب میں پاکستان نے یک طرفہ میچ میں آئرلینڈ کو 6 وکٹوں سے شکست دے کر تین میچوں کی ٹی ٹوئنٹی سیریز 2-1 سے جیت لی۔

سری لنکا کے ٹی ٹوئنٹی کپتان وینندا ہسرنگا اور بنگلہ دیش کے تجربہ کار آل راؤنڈر شکیب الحسن ٹی ٹوئنٹی ورلڈ کپ 2024 سے قبل تازہ ترینآئی سی سی مردوں کے ٹی ٹوئنٹی آل راؤنڈر رینکنگ میں سب سے اوپر ہیں۔

شکیب الحسن کے زمبابوے کے خلاف ٹی ٹوئنٹی سیریز میں غیر متاثر کن کارکردگی کی وجہ سے دو پوائنٹس سے محروم ہونے کے بعد دونوں کھلاڑی ٹاپ رینک والے ٹی ٹوئنٹی آل راؤنڈر کے طور پر میگا ایونٹ میں داخل ہونے کے لیے تیار ہیں۔

دوسرے نمبر پر رہنے والے ہسرنگا ٹاپ پر موجود بنگلہ دیشی اسٹار کے ساتھ شامل ہو گئے افغانستان کے آل راؤنڈر محمد نبی تیسرے نمبر پر ہیں.

دریں اثنا، زمبابوے کے سکندر رضا بنگلہ دیش کے خلاف شاندار کھیلتے ہوئے دو درجے کی چھلانگ لگا کر چوتھے نمبر پر پہنچ گئے، اس کے بعد جنوبی افریقہ کے کپتان ایڈن مارکرم پانچویں نمبر پر ہیں۔