ردو انٹرنیشنل ( مانیٹرنگ ڈیسک) تفصیلات کے مطابق گزشتہ روز اسد قیصر کی سربراہی میں تحریک انصاف کے وفد نے مولانا فضل الرحمان اور دیگر جے یو آئی( ف) رہنماوں سے ملاقات کی.
ملاقات کے بعد دونوں جماعتوں نے میڈیا سے گفتگو کی جس میں جمیعت علمائے اسلام( ف)کے رہنما حافظ حمداللہ نے کہا کہ اسد قیصر کی قیادت میں ہم نے تحریک انصاف کے وفد کا استقبال کیا اور چونکہ تحریک انصاف کا انتخابات میں دھاندلی پر جو موقف ہے وہ پہلے سے ہی جے یو آئی ( ف) کا بھی ہے اس لیے موجودہ حالات میں یہ ملاقات مثبت کردار ادا کرے گی.
حافظ حمداللہ نے مزید کہا کہ یہ انتخابات دھاندلی زدہ ہیں، اس سے نہ تو معاشی استحکام آئے گا اور نہ ہی سیاسی استحکام.
جبکہ اس موقع پر پاکستان تحریک انصاف کے رہنما بیرسٹر سیف نے بھی کہا کہ ہم نے بانی پی ٹی آئی عمران خان کی ہدایت پر ہم نے جمیعت علمائے اسلام( ف) سے رابطہ کیا. اور چونکہ جے یو آئی نے بھی انتخابات اور ان کے نتائج پر شکوک و شبہات کا اظہار کیا ہے اور انہیں مسترد کر دیا ہے۔ اس لیے یہ ہمارا مشترکہ نکتہ ہے جس پر ہم متحد ہیں۔
بیرسٹر سیف نے مزید کہا کہ ہم ہفتہ کے دن کو ملک گیر احتجاج کریں گے اور یہ سلسلہ جاری رہے گا.
