اردو انٹرنیشنل (اسپورٹس ڈیسک) تفصیلات کے مطابق ذرائع نے رپورٹ کیا ہے کہ پاکستان سپر لیگ (پی ایس ایل) کی کمشنر نائلہ بھٹی نے اپنے عہدے سے استعفیٰ دے دیا ہے۔
نائلہ کا استعفیٰ پاکستان کرکٹ بورڈ (پی سی بی) پہلے ہی قبول کر چکا ہے۔
ذرائع نے مزید بتایا کہ پی سی بی کے سابق چیئرمین نجم سیٹھی کی ٹیم میں شامل نائلہ نے بورڈ حکام سے اختلافات کے باعث استعفیٰ دیا۔
گزشتہ روز میڈیکل اینڈ اسپورٹس سائنسز کے ڈائریکٹر ڈاکٹر سہیل سلیم نے بھی اپنا استعفیٰ پیش کیا تھا جسے پی سی بی نے قبول کر لیا ہے
پی سی بی کی میڈیکل کمیٹی کی جانب سے پیسر احسان اللہ کی انجری کے علاج میں کوتاہی برتنے کے بعد سلیم کا استعفیٰ سامنے آیا۔
ذرائع کے مطابق اس سے قبل یہ اطلاع ملی تھی کہ پی ایس ایل کا اگلے سال انڈین پریمیئر لیگ (آئی پی ایل) سے ٹکراؤ ہوسکتا ہے۔
ذرائع نے مزید کہا کہ پی سی بی آئی پی ایل کے ساتھ ساتھ لیگ کے انعقاد کے فوائد اور نقصانات پر غور کر رہا ہے۔