اردو انٹرنیشنل اسپورٹس ویب ڈیسک تفصیلات کے مطابق سابق ہاکی اولمپئنز نے اولمپکس گولڈ میڈلسٹ ارشد ندیم کے اعزاز میں وزیر اعظم شہباز شریف کی جانب سے دئیے گئے عشائیہ میں بعض سابق ہاکی کھلاڑیوں کو شرکت کا دعوت نامہ دے کر اسے چند لمحوں بعد واپس لینے کی شدید مذمت کی ہے۔
سابق ہاکی اولمپئنز اور فورم کے ترجمان راؤ سلیم ناظم نے کہا کہ پاکستان اسپورٹس بورڈ نے ابتدائی طور پر ہمارے ہاکی لیجنڈز کو اس باوقار ایونٹ میں شرکت کے لیے دعوت نامے بھیجے۔
تاہم اس کے فوراً بعد، ان لیجنڈز کو بورڈ کی جانب سے ایک پیغام موصول ہوا جس میں کہا گیا تھا کہ پہلے سے مدعو کیے گئے تمام مہمانوں کو ایڈجسٹ کرنے سے قاصر ہے۔
دعوت ناموں کی اس اچانک اور غیر وضاحتی واپسی لیجنڈ گولڈ میڈلسٹ اولمپئنز کی تذلیل ہے، جس سے کئی سوالات اٹھ رہے ہیں جو اس معاملے کی فوری تحقیقات کا مطالبہ کرتے ہیں۔
