ٹی ٹوئنٹی کپتانی ڈیبیو کے دوران رضوان نے کونسی اہم غلطی کی تھی؟

اردوانٹرنیشنل (اسپورٹس ڈیسک) تفصیلات کے مطابق پاکستان کے کپتان محمد رضوان نے آسٹریلیا کے خلاف شیڈول سیریز کے پہلے ٹی ٹوئنٹی میچ کے دوران ایک اہم غلطی کی تھی لیکن امپائرز کی جانب سے اس پر توجہ نہیں دی گئی۔

شدید بارش کی وجہ سے، میچ کو فی سائیڈ صرف 7 اوور تک محدود کر دیا گیا، دو گیند بازوں کو دو دو اوور کرنے کی اجازت دی گئی.

تاہم، رضوان نے تین تیز گیند بازوں شاہین شاہ آفریدی، نسیم شاہ اور حارث رؤف کو دو دو اوورز کروا کر غلط فیصلہ کیا قواعد کے مطابق یہ خلاف ورزی تھی لیکن نہ تو آن فیلڈ امپائرز اور نہ ہی تھرڈ امپائر نے غلطی کا نوٹس لیا اور نہ ہی پاکستان کو اس کی سزا دی گئی۔

گابا کرکٹ اسٹیڈیم میں کھیلے گئے بارش سے متاثرہ میچ میں آسٹریلیا نے پاکستان کو 29 رنز سے شکست دے کر سیریز میں 1-0 کی برتری حاصل کر لی۔

سیریز کا دوسرا ٹی ٹوئنٹی میچ کل (ہفتہ) کو کھیلا جائے گا۔