موت ہم سے چند منٹ کی دوری پر ہے،ڈائریکٹر الشفا اسپتال غزہ
ڈائریکٹرالشفا اسپتال نےعرب میڈیا کو دیے اپنے بیان میں بتایا کہ موت ہم سےصرف چند منٹ دور ہے ، دنیا ہمیں مرتے ہوئے دیکھ رہی ہے اور الشفا اسپتال کی نرسری میں بچے اور آئی سی یو میں مریض بجلی نہ ہونے کی وجہ سے مر رہے ہیں۔انہوں نے کہا اسرائیلی بمباری کے باعث اسپتال میں تمام سرجیکل آپریشنز رک چکے ہیں .انہوں نے مزید کہا کہ اسرائیلی بمباری کے باعث الشفا کمپلیکس کےاندرپناہ گزینوں کے خیموں میں بھی آگ لگ گئی جس کے پورے میڈیکل کمپلیکس میں پھیلنےکا خطرہ ہے۔
الشفا اسپتال کے منیجر محمد ابوسلمیہ نے بتایا کہ الشفا اسپتال کے اطراف ہر شخص کو اسرائیلی طیارے اور اسنائپرز نشانہ بنا رہے ہیں، ہم زخمیوں کو اٹھانےکے لیے اسپتال سے باہربھی نہیں جا سکتے۔
