ہم آپ کی خوشیوں میں برابر کے شریک ہیں،نگران وزیراعلیٰ کا کرسمس کے موقع پر پیغام
اردو انٹرنیشنل (مانیٹرنگ ڈیسک) لاہور میں کرسمس کی تقریب سے خطاب کرتے ہوئے نگران وزیراعلیٰ پنجاب محسن نقوی کا کہنا تھا کہ کابینہ کا ایک خصوصی اجلاس ہم نے جڑانوالہ چرچ میں کیا تھا، آج کا دن آپ سب کے لیے اور ہمارے لیے انتہائی ضروری ہے، حضرت عیسٰی علیہ السلام آپ کے بھی ہیں اور ہمارے بھی ہیں، ہم آپ کی خوشیوں میں برابر کے شریک ہیں۔
انہوں نے کہا ہے کہ ہم سب پاکستانی ہیں اور ہم سب برابر ہیں، ہم میں سے کسی کے لیے کوئی فرق نہیں ہے، پاکستانی جھنڈے میں اگر سبز رنگ مسلمانوں کے لیے ہے تو سفید رنگ آپ لوگوں کے لیے ہے، سفید اور سبز رنگ کے بغیر ہمارا جھنڈا مکمل نہیں ہوتا۔
واضح رہے کہ پاکستان سمیت دنیا بھر میں مسیحی آج کرسمس کا تہوار منا رہے ہیں.
