ویرات کوہلی نے سچن ٹنڈولکر کا ریکارڈ توڑ دیا

ویرات کوہلی نے سچن ٹنڈولکر کا ریکارڈ توڑ دیا

اردوانٹرنیشنل(اسپورٹس ڈیسک) تفصیلات کے مطابق ہندوستان کے اسٹار بلے باز ویرات کوہلی نے پیر کو گرین پارک اسٹیڈیم میں ہندوستان اور بنگلہ دیش کے درمیان دوسرے ٹیسٹ کے چوتھے دن بین الاقوامی کرکٹ میں تیز ترین 27000 رنز بنانے والے سچن ٹندولکر کو پیچھے چھوڑ دیا۔

کوہلی نے ہندوستان کے عظیم بلے باز سچن ٹنڈولکر کو پیچھے چھوڑ دیا جنہوں نے 623 اننگز میں یہ کارنامہ انجام دیا 35 سالہ کھلاڑی نے یہ سنگ میل عبور کرنے کے لیے 594 اننگز کھیلیں۔

آسٹریلیا کے سابق کپتان رکی پونٹنگ اور لیجنڈری سری لنکا کے وکٹ کیپر بلے باز کمار سنگاکارا بین الاقوامی کرکٹ میں 27000 رنز بنانے والے صرف دو دوسرے بلے باز ہیں۔

تیز ترین 27000 بین الاقوامی رنز
ویرات کوہلی – 594 اننگز
سچن ٹنڈولکر – 623 اننگز
کمار سنگاکارا – 648 اننگز
رکی پونٹنگ – 650 اننگز

ہندوستان اور بنگلہ دیش کے درمیان دوسرے ٹیسٹ کے آغاز سے پہلے، کوہلی نے 114 میچوں میں 48.74 کی اوسط سے 8871 ٹیسٹ رنز اپنے نام کیے تھے۔