ویلنٹینا پیٹریلو: پیرا اولمپکس میں حصہ لینے والی پہلی ٹرانس جینڈر خاتون

اردو انٹرنیشنل اسپورٹس ویب ڈیسک تفصیلات کے مطابق ویلنٹینا پیٹریلو پیرالمپکس گیمز میں حصہ لینے والی پہلی ٹرانس جینڈر ایتھلیٹ کے طور پر تاریخ رقم کرنے والی ہیں۔ وہ پیر سے شروع ہونے والے پیرس گیمز میں پیرا ایتھلیٹکس میں اٹلی کی نمائندگی کریں گی۔

پیٹریلو 50 سالہ سپرنٹر ہیں ، جو بصارت سے محروم کھلاڑیوں کے لیے ٹی12 کی درجہ بندی میں حصہ لیتی ہیں، نے 2019 میں جنس تبدیل کی ۔ وہ 200 میٹر اور 400 میٹر کے مقابلوں میں دوڑیں گی۔

تاہم، کچھ لوگ، بشمول وکیل اور ایتھلیٹ ماریوکیا کوئلیری، محسوس کرتی ہیں کہ خواتین کے مقابلوں میں پیٹریلو کو شامل کرنا غیر منصفانہ عمل ہے۔

پیٹریلو نے گزشتہ سال ورلڈ پیرا ایتھلیٹکس چیمپئن شپ میں کانسی کے دو تمغے جیتے تھے۔ پیرا اولمپک گیمز 28 اگست سے 8 ستمبر تک ہیں۔

انٹرنیشنل پیرا اولمپک کمیٹی (آئی پی سی) کے صدر اینڈریو پارسنز نے کہا کہ پیٹریلو کا موجودہ قوانین کے تحت خیرمقدم ہے لیکن امید ہے کہ کھیلوں کی دنیا ٹرانس جینڈر ایتھلیٹس کے بارے میں واضح پالیسیاں تیار کرنے کے لیےمل کر کام کرے گی۔