بنگلہ دیش اس وقت پوائنٹس ٹیبل پر ٹاپ ایٹ سے نیچے ہے، دوسری طرف سری لنکا اس وقت ٹاپ ایٹ بریکٹ میں ہے اور اگر اسے شکست کا سامنا کرنا پڑتا ہے تو بھی وہ اس پوزیشن کو برقرار رکھ سکتا ہے۔
سری لنکن ٹیم نے آج کے آئی سی سی ورلڈ کپ کے میچ میں پہلے بیٹنگ کرتے ہوئے کوسل پریرا کی پہلی وکٹ 5 کے اسکور پر پہلے ہی اوور میں گنوا دی۔ مینڈس کوسل پریرا کی جگہ لینے آئے۔ کوسل مینڈس نے پاتھم نسانکا کے ساتھ مل کر مجموعی طور پر 66 رنز بنائے اور وہ شکیب الحسن کی گیند پر شریف الاسلام کے ہاتھوں اپنی وکٹ گنوا بیٹھے۔ پتھم نسانکا نے بھی 36 گیندوں میں 41 رنز بنانے کے بعد آوٹ ہوے اور وکٹ گرنے کا سلسلہ جاری رہا جب سمارا وکراما بھی اپنی وکٹ گنوا بیٹھے تب سری لنکن ٹیم 25ویں اوور میں 135 رنز پر تھی۔ چریتھ ازلانکا سری لنکا کے لیے قد آور ثابت ہوے، جنہوں نے 105 گیندوں پر شاندار سنچری اسکور کی جس نے سری لنکا کے ٹوٹل میں بڑا اضافہ کیا۔ اینجلو میتھیوز نے ٹائم آؤٹ ہو کر تاریخ رقم کی، یہ تاریخ کا 17واں واقعہ بن گیا جس میں کوئی بھی بلے باز ٹائم آؤٹ ہوا۔
سری لنکا کی ٹیم 49.3 اوورز میں 279 رنز بنانے میں کامیاب رہی اور اپنی تمام وکٹیں گنوا بیٹھی۔ تنظیم حسن ثاقب نے 10 اوورز میں 80 رنز دے کر 3 وکٹیں حاصل کیں۔ بنگالی ٹیم کے لیے تسکین احمد سب سے زیادہ کفایتی بولر ثابت ہوئے جنہوں نے اپنے 10 اوورز میں صرف 39 رنز دیے اور کوئی وکٹ نہیں لی۔
ایک تاریخی میچ دہلی میں جاری ہے۔
