سری لنکا بلائنڈ کرکٹ ٹیم ٹی ٹوئنٹی ورلڈ کپ کے لیے پاکستان پہنچ گئی

اردوانٹرنیشنل (اسپورٹس ڈیسک) تفصیلات کے مطابق سری لنکا کی بلائنڈ کرکٹ ٹیم بلائنڈ ٹی ٹوئنٹی ورلڈ کپ کے لیے پاکستان پہنچ گئی۔

لاہور ایئرپورٹ پر پاکستان بلائنڈ کرکٹ کونسل کے حکام نے ٹیم کا استقبال کیا۔

افغانستان اور جنوبی افریقہ کی ٹیمیں پہلے ہی پاکستان پہنچ چکی ہیں جبکہ نیپال بلائنڈ کرکٹ ٹیم واہگہ بارڈر کے راستے آج لاہور پہنچے گی۔

بنگلہ دیش بلائنڈ کرکٹ ٹیم بھی آج (جمعرات) رات لاہور پہنچنے والی ہے۔

خیال رہے کہ بلائنڈ ٹی ٹوئنٹی ورلڈ کپ 23 نومبر سے لاہور میں شروع ہوگا۔