Sri Lankan batsman banned indefinitely-SLC
سری لنکن بلے باز پر غیر معینہ مدت کے لیے پابندی عائد
اردوانٹرنیشنل(اسپورٹس ڈیسک) تفصیلات کے مطابق سری لنکا کرکٹ (ایس ایل سی) نے جمعہ کو تصدیق کی ہے کہ سری لنکا کے وکٹ کیپر بلے باز نروشن ڈکویلا کو ڈوپنگ کی خلاف ورزی کی وجہ سے تمام طرز کی کرکٹ سے معطل کر دیا گیا ہے ۔
تفصیلات کے مطابق ڈکویلا حال ہی میں ختم ہونے والی لنکا پریمیئر لیگ (ایل پی ایل) 2024 کے دوران ورلڈ اینٹی ڈوپنگ گائیڈ لائنز کے مطابق ڈوپنگ ٹیسٹ میں ناکام ہو گئے تھے۔
ایس ایل سی کی ایک میڈیا ریلیز میں کہا گیا ہے کہ معطلی فوری طور پر نافذ العمل ہے اور اگلے نوٹس تک برقرار رہے گی۔
یہ ٹیسٹ، جو سری لنکا اینٹی ڈوپنگ ایجنسی کی طرف سے لنکا پریمیئر لیگ 2024 کے دوران کیا گیا تھا، کھیل کی سالمیت کو برقرار رکھنے کے لیےایس ایل سی کے جاری عزم کا حصہ ہے۔
یہ اقدام، وزارت کھیل کے تعاون سے اور ورلڈ اینٹی ڈوپنگ ایجنسی کے رہنما خطوط کے مطابق کیا گیا ہے اس کا مقصد اس بات کو یقینی بنانا ہے کہ کرکٹ ممنوعہ چیزوں کے اثر سے پاک رہے۔
ایل پی ایل کے 2024 ایڈیشن میں گال مارولز کی قیادت کرنے والے نیروشن ڈکویلا نے آخری بار مارچ 2023 میں بین الاقوامی میچ میں سری لنکا کی نمائندگی کی تھی۔
تاہم، انہیں بنگلہ دیش کے خلاف سری لنکا کی حالیہ ٹی ٹوئٹی سیریز کے لیے قومی کال موصول ہوئی لیکن وہ تینوں میں سے کسی ایک میچ میں پلیئنگ الیون میں جگہ بنانے میں ناکام رہے۔
یاد رہے کہ بائیں ہاتھ کے بلے باز اس سے پہلے بھی کئی تنازعات میں ملوث رہےہیں.
نیروشن ڈکویلا نے 137 میچوں میں سری لنکا کی نمائندگی کی اور دو سنچریوں اور 32 نصف سنچریوں کی مدد سے 4,841 رنز بنائے۔
