Sindh Government's decision to conduct dope test of athletes participating in the National Games
اردو انٹرنیشنل اسپورٹس ویب ڈیسک تفصیلات کے مطابق سندھ حکومت نے نیشنل گیمز میں شریک کھلاڑیوں کا ڈوپ ٹیسٹ کرانے کا فیصلہ کیا ہے۔
سندھ کےوزیر کھیل و امور نوجوانان سردار محمد بخش مہر 35 ویں نیشنل گیمز کے لئے پاکستان اولمپک ایسوسی ایشن کے اجلاس میں شریک ہوئے ، اس اجلاس میں پاکستان اولمپک ایسوسی ایشن کے صدر سیدعابد قادری، سیکرٹری جنرل محمد خالد محمود ، سندھ اولمپک ایسوسی ایشن کے سیکریٹری احمد علی راجپوت ودیگر بھی موجودتھے۔
اجلاس میں پاکستان اولمپک ایسوسی ایشن نے کراچی میں 35 ویں قومی کھیلوں کے انعقاد کی منظوری دی۔
سیکرٹری سندھ اولمپک احمدعلی راجپوت نے گیمزکے انتظامات کے حوالے سے شرکاء کو بریفنگ دی، اجلاس میں فیصلہ کیا گیا کہ سندھ گیمز کی ٹارچ ریلے کے افتتاح کیلئے چیئرمین بلاول بھٹو زرداری کومدعو کیا جائے گا جبکہ نیشنل گیمز میں شریک کھلاڑیوں کا ڈوپ ٹیسٹ کرایا جائے گا۔
صوبائی وزیر کھیل نے کہاکہ پاکستان اولمپک اور سندھ اولمپک کی باہمی مشاورت سے نیشنل گیمز کی تاریخوں کااعلان کیا جائے گا، گیمز کی سکیورٹی میں اداروں کے ساتھ سکاؤٹس کی خدمات لی جائیں۔
