اردو انٹرنیشنل اسپورٹس ویب ڈیسک تفصیلات کے مطابق یوم دفاع کے موقع پرایشیئن باکسنگ چیمپئن شعیب خان زہری اور نیشنل باکسنگ چیمپئین بلال مشہود کے درمیان قیوم سپورٹس کمپلیکس اسلام آباد میں باکسنگ کا مقابلہ ہونے جا ر ہا ہے۔
سپر لائٹ ویٹ کیٹگری کے اس مقابلے میں کل 6راؤنڈ کھیلے جائیں گے ۔اس مقابلے کے بارے میں بات کرتے ہوئے شعیب خان زہری کا کہنا ہے کہ وہ اس مقابلے کے لیے بھرپور تیاری کر رہے ہیں تاکہ وہ اسے جیت کر اپنے مداحوں کے چہرے پر خوشی لا سکیں ۔
ا ن کا کہنا تھا کہ بلال مشہود نیشنل سطح پر باکسنگ چیمپئین ہیں اور وہ ایک مضبوط حریف ہیں جن کے ساتھ مقابلہ آسان نہ ہوگا ۔ یوم دفاع کے موقع پر اس ایونٹ کے انعقاد کا مقصد پاک فوج کو خراج تحسین پیش کرنا اور یہ بتانا ہے کہ نوجوان نسل پاک فوج کے ساتھ کھڑی ہے،لوگ یہ باکسنگ مقابلہ دیکھ کر خوب لطف اندوز ہو نگے۔
