پاکستان کے دورہ آئرلینڈ کے ٹی ٹوئنٹی شیڈول کی تصدیق
اردو انٹرنیشنل(اسپورٹس ڈیسک) تفصیلات کے مطابق پاکستان کرکٹ ٹیم کے دورہ آئرلینڈ کے ٹی ٹوئنٹی کے شیڈول کی تصدیق ہو گئی ہے۔
پاکستان کا مقابلہ 10، 12 اور 14 مئی 2024 کو ڈبلن کے کلونٹارف میں میزبانوں سے ہوگا میچز مقامی وقت کے مطابق دوپہر 3 بجے شروع ہوں گے۔
یہ سیریز جون میں ہونے والے آئی سی سی مینز ٹی ٹوئنٹی ورلڈ کپ سے پہلے تیاری کے طور پر کام کرے گی دونوں ٹیمیں گروپ مرحلے میں 16 جون 2024 کو دوبارہ ٹکرائیں گی۔
آئرلینڈ میں مقابلےکے بعد پاکستان انگلینڈ جائے گا جہاں وہ موجود ٹی ٹوئنٹی ورلڈ چیمپئنز کے خلاف چار ٹی ٹوئنٹی کھیلے گا۔
آئرلینڈ بمقابلہ پاکستان سیریز کا شیڈول:
مئی10 : کلونٹارف میں پہلا ٹی ٹوئنٹی
مئی 12: کلونٹارف میں دوسرا ٹی ٹوئنٹی
مئی 14: کلونٹارف میں تیسرا ٹی ٹوئنٹی
واضح رہے کہ پاکستان مینز ٹیم کے کھلاڑی اس وقت کاکول میں فٹنس کیمپ میں حصہ لے رہے ہیں جو 25 مارچ سے شروع ہوا تھا۔
حال ہی میں ریٹائرمنٹ واپس لینے کے بعد آل راؤنڈر عماد وسیم اور فاسٹ بولر محمد عامر کو بلایا گیا ہے اس دوران پی ایس ایل 9 کے ٹاپ پرفارمرز میں سے ایک بلے باز عثمان خان کو بھی شامل کیا گیا ہے۔
کیمپ 8 اپریل کو اختتام پذیر ہوگا۔
