اردو انٹرنیشنل اسپورٹس ویب ڈیسک تفصیلات کے مطابق جمیکا سے تعلق رکھنے والے روزے اسٹونا نے اولمپکس میں ڈسکس تھرو میں طلائی تمغہ جیت کر عالمی ریکارڈ رکھنے والے لتھوانیا کے میکولاس ایلیکنا کو ہرا کر سب کو حیران کر دیا۔ اولمپکس میں ڈسکس ایونٹ میں جمیکا کا یہ پہلا تمغہ تھا۔

الیکنا کے جیتنے کی امیدیں اس لیے بھی زیادہ تھیں کیونکہ اس نے حال ہی میں ڈسکس 74.35 میٹر پھینک کر ایک طویل عرصے سے قائم عالمی ریکارڈ کو توڑا ہے ۔ مقابلے کے دوران، انہوں نے 68.55 میٹر کی تھرو سے شروعات کی اور پھر 69.97 میٹر تک کامیابی حاصل کی اور 20 سال قبل اپنے والد کا قائم کردہ اولمپک ریکارڈ توڑ دیا۔ تاہم، اس کے بعد اسٹونا نے ڈسکس 70.00 میٹر پھینکا،اس کے بعد الیکنا نے مزید دو بار کوشش کی لیکن وہ اسٹونا کے 70.00 میٹر سے زیادہ دور نہ پھینک سکے۔

اسٹونا نے کہا کہ اسے لگا کہ اس کے پاس کھونے کے لیے کچھ نہیں ہے، اس لیے اس نے اپنا سب کچھ دے دیا۔ جمیکا اپنے سپرنٹرز کے لیے مشہور ہے، لیکن اس جیت نے پیرس اولمپکس میں تھرونگ ایونٹس میں ان کی کامیابی میں اضافہ کیا، جہاں انہوں نے شاٹ پٹ میں کانسی کا تمغہ اور خواتین کی ٹرپل جمپ اور مردوں کی لمبی چھلانگ میں چاندی کے تمغے بھی جیتے ہیں۔