صدر مملکت نےالیکشن ایکٹ ترمیمی بل 2024 پر دستخط کردیے
اردو انٹرنیشنل (مانیٹرنگ ڈیسک) صدر مملکت آصف زرداری نے الیکشنز ایکٹ (ترمیمی بل) 2024 پر دستخط کر دیے ہیں، جس کا مقصد آزاد قانون سازوں کو پارٹیاں تبدیل کرنے سے روکنا ہے۔
ذرائع نے مزید بتایا کہ بل کو آج گزٹ نوٹیفکیشن کے اجراء کے لیے سینیٹ سیکرٹریٹ بھجوا دیا گیا ہے۔
یہ توثیق پاکستان تحریک انصاف (پی ٹی آئی) کی جانب سے الیکشن ایکٹ 2017 میں سابقہ ترامیم والے بل کو سپریم کورٹ میں چیلنج کرنے کے ایک دن بعد سامنے آئی ہے۔
دریں اثنا، حکمران اتحادیوں اور الیکشن کمیشن آف پاکستان (ای سی پی) نے بھی پی ٹی آئی کو قومی اسمبلی کی مخصوص نشستیں تفویض کرنے کے معاملے سے متعلق اپنے 12 جولائی کے فیصلے کے خلاف عدالت عظمیٰ سے رجوع کیا ہے۔
