اردو انٹرنیشنل(اسپورٹس ڈیسک) تفصیلات کے مطابق پاکستان سپر لیگ (پی سی بی) میں پشاور زلمی کے کپتان بابر اعظم کو 2024 کے سیزن میں پرفارمنس پر مالک جاوید آفریدی کی جانب سے گاڑی کا تحفہ دیا گیا۔
آفریدی کی طرف سےایکس (سابقہ ٹویٹر) پر شیئر کی گئی ایک پوسٹ میں بابر کو اپنی نئی کار کے اندر تصویر میں دیکھا جا سکتا ہے۔
بابر ٹورنامنٹ کے سب سے زیادہ رنز بنانے والے کھلاڑی تھے 11 اننگز میں انہوں نے پانچ نصف سنچریوں اور ایک سنچری کی مدد سے 56.90 کی اوسط سے 569 رنز بنائے۔
زلمی ٹورنامنٹ جیتنے کے لیے ہاٹ فیورٹ تھا لیکن وہ بالترتیب ملتان سلطانز اور اسلام آباد یونائیٹڈ کے خلاف دونوں ناک آؤٹ گیمز ہار گئی۔
واضح رہے کہ بابر اس وقت نیوزی لینڈ کے خلاف پانچ میچوں کی ٹی ٹوئنٹی سیریز میں پاکستانی ٹیم کی قیادت کر رہے ہیں۔
