پی ایس ایل 11: لوکل کھلاڑیوں کی نئی کیٹیگریز سامنے آ گئیں

پاکستان سپر لیگ (پی ایس ایل) 11 کی آکشن سے قبل لوکل کھلاڑیوں کی ممکنہ نئی کیٹیگریز کی فہرست سامنے آ گئی ہے ذرائع کے مطابق مختلف فرنچائزز کے کئی نمایاں کھلاڑیوں کی کیٹیگریز میں رد و بدل متوقع ہے۔

اسلام آباد یونائیٹڈ کے شاداب خان، عماد وسیم اور نسیم شاہ پلاٹینم میں برقرار ہیں جبکہ صاحبزادہ فرحان کو گولڈ کیٹیگری میں منتقل کیا گیا ہے سلمان علی آغا اور محمد نواز ڈائمنڈ سے پلاٹینم جبکہ اعظم خان ڈائمنڈ سے گولڈ میں آ گئے ہیں۔

لاہور قلندرز کے شاہین شاہ آفریدی، فخر زمان اور حارث رؤف پلاٹینم میں برقرار ہیں، سلمان مرزا ڈائمنڈ اور محمد نعیم سلور کیٹیگری میں شامل ہو گئے ہیں۔

کراچی کنگز کے حسن علی کو پلاٹینم کیٹیگری میں شامل کیا گیا ہے جبکہ عباس آفریدی پلاٹینم سے ڈائمنڈ میں چلے گئے ہیں خوشدل شاہ اور عامر جمال گولڈ جبکہ عرفات منہاس سلور کیٹیگری میں آ گئے ہیں، شان مسعود ڈائمنڈ میں برقرار ہیں۔

پشاور زلمی کے بابر اعظم اور صائم ایوب بدستور پلاٹینم میں موجود ہیں جبکہ محمد حارث اور محمد علی گولڈ میں چلے گئے ہیں ملتان سلطانز کے محمد رضوان پلاٹینم میں برقرار ہیں، اسامہ میر اور افتخار احمد ڈائمنڈ جبکہ محمد حسنین گولڈ میں شامل ہو گئے ہیں۔

کوئٹہ گلیڈی ایٹرز کے فہیم اشرف اور محمد عامر پلاٹینم میں برقرار ہیں جبکہ ابرار احمد کو پلاٹینم میں ترقی دی گئی ہے دیگر کھلاڑیوں میں وسیم جونیئر اور عثمان طارق ڈائمنڈ جبکہ خواجہ نافع اور حسن نواز گولڈ کیٹیگری میں آ گئے ہیں۔

پی ایس ایل انتظامیہ کی جانب سے کیٹیگریز کی حتمی منظوری آکشن سے قبل دی جائے گی۔