آرسنل کی ٹوٹنہم کو شکست، لیگ ٹیبل پر لیورپول کے قریب پہنچ گیا

اردو انٹرنیشنل (اسپورٹس ویب ڈیسک) تفصیلات کے مطابق ایمریٹس اسٹیڈیم میں کھیلے گئے میچ میں آرسنل نے ٹوٹنہم کو 2-1 سے شکست دے کر پریمیئر لیگ میں چار پوائنٹس کے فرق سے لیورپول کے قریب پہنچنے میں کامیابی حاصل کرلی۔

ٹوٹنہم نے کھیل کے 25ویں منٹ میں سون ہیونگ من کے گول کے ذریعے ابتدائی برتری حاصل کی، لیکن آرسنل نے پہلے ہاف کے اختتام سے پانچ منٹ قبل گیبریل جیسس کے گول کی مدد سے برابر کر دی اور پھر چار منٹ بعد لینڈرو ٹروسارڈ نے ایک شاندار گول کے ذریعے آرسنل کو برتری دلائی جس سے اسکور 2-1 ہوگیا۔

آرسنل نے دوسرے ہاف میں میچ پر حاوی رہنے کی کوشش کی، لیکن وہ اپنے حملوں میں اتنی مضبوطی نہیں دکھا سکے کہ میچ کو مکمل طور پر اپنے حق میں کر سکیں۔

میچ کے اختتام پر ٹوٹنہم کے کھلاڑی پیڈرو پورو نے ایک خطرناک کوشش کی، لیکن ان کا شاٹ پوسٹ کے باہر جا لگا، اور آرسنل نے آخر تک اپنی برتری برقرار برقرار رکھی۔

آرسنل حالیہ شکستوں کے بعد پریمیئر لیگ میں اپنی حیثیت مضبوط کرنا چاہتا تھا۔ یہ جیت نہ صرف ان کے اعتماد کو بحال کرے گی بلکہ لیورپول کے ساتھ پوائنٹس کے فرق کو بھی کم کرے گی۔

میکل آرٹیٹا کی ٹیم نے ثابت کیا کہ وہ پریمیئر لیگ کی ٹائٹل دوڑ میں مضبوط دعویدار ہیں اور اپنی کارکردگی کے ذریعے حریفوں کو چیلنج کرنے کی صلاحیت رکھتے ہیں۔