ایشین انڈر 14 ٹینس ایونٹ کا ٹائٹل پاکستان کے حسن عثمانی نے جیت لیا

اردو انٹرنیشنل (اسپورٹس ویب ڈیسک) تفصیلات کے مطابق پاکستان کے نوجوان ٹینس پلیئر حسن عثمانی نے ایک اور ایشین جونیئر کا اعزاز اپنے نام کرلیا ہے۔

جدہ میں ہونے والے اے ٹی ایف انڈر 14 جونیئر ایونٹ میں، پاکستانی ٹینس پلیئر نے فائنل میں ترکمانستان کے سلیمان ہودیباردیو کو شکست دے کر ٹائٹل اپنے نام کیا۔ حسن عثمانی نے سلیمان کو 6-3 اور 6-1 سے شکست دی ۔

یاد رہے ،حسن عثمانی نے گزشتہ ماہ ترکمانستان میں ہونےوالا اشک آباد اوپن بھی اپنے نام کیا تھا۔