Pakistani athletes will travel to India to participate in the South Asian Athletics event Photo-Pakistan Athletes Federation
اردو انٹرنیشنل اسپورٹس ویب ڈیسک تفصیلات کے مطابق پاکستان کے ایتھلیٹس دو ساؤتھ ایشین ایتھلیٹکس ایونٹ میں شرکت کے لیے بھارت جائیں گے ، کیونکہ ساؤتھ ایشین جونیئر اور سینئر ایتھلیٹکس چیمپئین شپ کی میزبانی بھارت کے پاس ہے ۔
پاکستان ایتھلیٹکس فیڈریشن کے مطابق پاکستان کے اتھلیٹس بھارت کے دو ایتھلیٹکس ایونٹس میں حصہ لیں گے ۔
ساؤتھ ایشین جونیئر ایتھلیٹکس چیمپئین شپ 11 سے 13 ستمبر جبکہ 3 سے 5 اکتوبر تک ساؤتھ ایشین سینئر ایتھلیٹکس چیمپئین شپ بھارت میں منعقد ہو گی ۔
تین نومبر کو پاکستان اسلام آباد میں ساؤتھ ایشین کراس کنٹری چیمپئین شپ کی میزبانی کرے گا جس میں بھارت مینز اینڈ ویمنز ایونٹ کے لیے ایتھلیٹس پاکستان بھیجے گا۔
ایونٹس کی تیاری کے لیے کیمپ آئندہ ہفتے لگایا جائے گا سینئر کے کیمپ میں 33 مرد اور 12 خواتین شامل ہیں جبکہ جونیئر کے کیمپ کے لیے 12 مرد اور ایک خاتون ایتھلیٹ شامل ہیں۔
