خواتین کی ٹی ٹوئنٹی سیریز کے دوسرے میچ میں پاکستان کا مقابلہ آج جنوبی افریقہ سے ہوگا

خواتین کی ٹی ٹوئنٹی سیریز کے دوسرے میچ میں پاکستان کا مقابلہ آج جنوبی افریقہ سے ہوگا

اردوانٹرنیشنل(اسپورٹس ڈیسک) تفصیلات کے مطابق ملتان میں خواتین کی ٹی ٹوئنٹی سیریز کے دوسرے میچ میں پاکستان کا مقابلہ آج جنوبی افریقہ سے ہوگا۔

میچ شام سات بجے شروع ہوگا، ملتان کے کرکٹ اسٹیڈیم میں پیر کی شام کو ہونے والے پہلے ٹی ٹوئنٹی میں جنوبی افریقہ نے پاکستان کو 10 رنز سے شکست دے کر سیریز میں 1-0 کی برتری حاصل کر لی ہے۔

جیتنے کے لیے 133 رنز کا تعاقب کرتے ہوئے، پاکستان کو شروع سے ہی مشکلات کا سامنا کرنا پڑا، 13ویں اوور میں 47 رنز کے ساتھ اپنی ٹیم کا آدھا حصہ کھو بیٹھا۔ اس وقت کپتان فاطمہ ثناء نے عالیہ ریاض کا ساتھ دیا اور اس جوڑی نے چھٹی وکٹ کے لیے 75 رنز کی ناقابل شکست شراکت قائم کی لیکن ہدف حاصل کرنے میں ناکام رہی.

دائیں ہاتھ کی بلے باز فاطمہ نے 24 گیندوں پر ناقابل شکست 37 رنز بنائے جس میں 5 چوکے شامل تھےعالیہ نے اپنی دوسری ٹی ٹوئنٹی نصف سنچری بنائی اور 39 گیندوں پر5 چوکوں اور ایک چھکے کی مدد سے 52 رنز بنا کر ناقابل شکست واپس لوٹیں۔