اردوانٹرنیشنل(اسپورٹس ڈیسک) تفصیلات کے مطابق پاکستان کے فاسٹ باؤلر نسیم شاہ کو آسٹریلیا کے خلاف ون ڈے سیریز کے دوران ایک اہم دھچکا لگا، کیونکہ وہ پہلے ون ڈے کے دوران درد کا شکار ہو گئے۔
ذرائع کے مطابق 21 سالہ باؤلر درد میں مبتلا ہیں لیکن صحت یابی کے آثار ہیں کیونکہ دوسرےمیچ میں کافی وقت ہے۔
یہاں یہ بات قابل غور ہے کہ نسیم کو پہلے کھیل کے دوران درد کی وجہ سے اپنا اوور آدھے راستے میں چھوڑنا پڑا تھا محمد حسنین نے ان اوور مکمل کیا۔
میچ کے دوران تیز گیند باز نے صرف 39 رنز دیے اور ایک وکٹ بھی حاصل کی۔
بیٹنگ کے محاذ پر، نسیم نے 39 گیندوں پر 40 رنز بنائے جس میں ایک چوکا اور چار زبردست چھکے شامل تھے۔
آسٹریلیا نے محمد رضوان کی قیادت والی ٹیم کو2 وکٹ سے شکست دی۔
دوسرا ون ڈے 8 نومبر کو ہونا ہے، گرین شرٹس کل (آج) میلبورن سے ایڈیلیڈ کا سفر کریں گے۔
