پاکستان ہاکی فیڈریشن کا اسلام آباد ریجنل دفتر بند کرنے کا اعلان

پاکستان ہاکی فیڈریشن (پی ایچ ایف) کے صدر محی الدین وانی نے اسلام آباد میں قائم ریجنل دفتر بند کرنے کا اعلان کر دیا۔

صدر پی ایچ ایف کے جاری بیان کے مطابق گزشتہ سال قائم کیا گیا اسلام آباد ریجنل دفتر فوری طور پر بند کیا جا رہا ہے انہوں نے کہا کہ دفتر کے انتظامی اور دفتری اخراجات کو اب کھلاڑیوں کی فلاح و بہبود، تربیت اور سہولیات کی فراہمی پر خرچ کیا جائے گا۔

محی الدین وانی کا کہنا تھا کہ ان کی اولین ترجیح فیڈریشن کے دستیاب فنڈز کو براہِ راست کھلاڑیوں کی بہتری پر صرف کرنا ہے تاکہ قومی ہاکی کے معیار کو بلند کیا جا سکے انہوں نے مزید کہا کہ اگر اسلام آباد میں کسی قسم کی دفتری ضرورت پیش آئی تو پاکستان اسپورٹس بورڈ اس ضمن میں سہولت فراہم کرے گا۔