نیپال کی تاریخ میں پہلا اولمپک میڈل جیتنے والی ایتھلیٹ پلیشا گووردھن کا وطن واپسی پر شاندار استقبال

اردو انٹرنیشنل اسپورٹس ویب ڈیسک تفصیلات کے مطابق نیپال سے تعلق رکھنے والی 21 سالہ تائیکوانڈو ایتھلیٹ پلیشا گووردھن نے پیرس میں 2024 کے پیرالمپکس میں کانسی کا تمغہ جیت کر تاریخ رقم کی، یہ ہمالیائی قوم کے لیے پہلا پیرا اولمپک یا اولمپک تمغہ ہے۔

اس کامیابی کے بعد جب 21 سالہ پلیشا گووردھن گھر واپس آئی تو کھٹمنڈو کے ہوائی اڈے پرایک بڑے ہجوم نے ان کا، روایتی موسیقی اور آرمی بینڈ کے ساتھ قومی ہیرو کے طور پر ان کا شانداراستقبال کیا ۔ نیپال کے جھنڈے اور میریگولڈ کے ہاروں میں لپٹے ہوئے، گوردھن نے فخریہ انداز میں کہا کہ میں نے اپنا وعدہ پورا کیا اور میڈل گھر لائی یہ کامیابی ملک کے سبھی لوگوں کے لیے ہے۔

گووردھن کے والد پردیپ نے بتایا کہ کس طرح اس کے کوچ نے اس کی صلاحیتوں کو پہچانا اور اسے پیشہ ورانہ تربیت کے لیے حوصلہ دیا۔ ایک معذوری کے ساتھ پیدا ہونے کے باوجود، گوردھن نے ہمیشہ سخت محنت کی اور کبھی ہمت نہیں ہاری۔ انہوں نے مزید کہا کہ : ہمیں گووردھن پر فخر ہے ، بطور والدین، جب آپ کا بچہ اس طرح کی کمی کے ساتھ پیدا ہوتا ہے تو آپ پریشان ہوتے ہیں۔ لیکن ہم نے ہمیشہ اس کی حوصلہ افزائی کی”۔

ماضی میں، گووردھن نے 2022 کے ایشیائی پیرا گیمز میں کانسی کا تمغہ، 2021 میں ایشین یوتھ پیرا گیمز میں سونے کا، اور 2018 کے ایشین پیرا تائیکوانڈو چیمپئن شپ میں کانسی کا تمغہ جیتا تھا۔ وہ ٹوکیو 2020 پیرا اولمپکس میں پانچویں نمبر پر رہیں اور پیرس گیمز سے پہلے انٹرویوز میں کہا کہ وہ “گولڈ میڈل حاصل کرنے کا ارادہ رکھتی ہیں”۔