محمد آصف ورلڈ اسنوکر چیمپئن شپ کے فائنل میں پہنچ گئے
اردو انٹرنیشنل (اسپورٹس ڈیسک) پاکستان کے محمدآصف نےآئی بی ایس ایف مینزورلڈ سنوکر چیمپئن شپ کے فائنل کے لئے کوالیفائی کر لیا۔
قطر میں ہونے والی ورلڈ اسنوکر چیمپئن شپ کے سیمی فائنل میں محمد آصف نے قبرض کے مائیکل جارجیو کو 3-5 سے شکست دی۔
محمد آصف نے تیسری مرتبہ آئی بی ایس ایف ورلڈ اسنوکر کے فائنل میں جگہ بنائی ہے، وہ 2012 اور 2019 میں ورلڈ اسنوکر فائنل جیت چکے ہیں۔
آصف ورلڈ اسنوکر چیمپئن شپ کے تین فائنل کھیلنے والے تیسرے پلیئر ہیں۔
انڈیا کے پنکج ایڈوانی نے چار فائنل کھیلے، جس میں سے انہوں نے تین جیتے جبکہ ایران کے عامر سرکوش تین فائنل میں ایک بھی ٹائٹل نہ جیت سکے۔
