Mile High 360 Squash, 3 Pakistani players reach semi finals
اردو انٹرنیشنل (اسپورٹس ویب ڈیسک تفصیلات ) کے مطابق امریکا میں جاری مائل ہائی 360 اسکواش میں پاکستانی کھلاڑیوں کی شاندار کارکردگی جاری ہے۔ پاکستان کے عاصم خان، نور زمان اور اشعب عرفان سیمی فائنل میں پہنچ گئے ہیں۔
اشعب عرفان نے کوارٹر فائنل میں ٹاپ سیڈ کینیڈا کے ڈیوڈ بیلارگیون کو شکست دی، ان کی جیت کا اسکور 6۔11، 10۔12 اور 7۔11 رہا۔
دوسری جانب عاصم خان نے سیکنڈ سیڈ میکسیکو کے سیزار سالازار کو شکست دی، میکسیکن پلیئر عاصم کے خلاف 1۔2 سے ہارنے کے بعد چوتھے گیم میں دستبردار ہو گئے۔ عاصم کی کامیابی کا اسکور 10۔12، 2۔11، 7۔11 اور 0۔11 رہا۔
اس کے علاوہ نور زمان نے سیڈ نمبر 4 امریکا کے اسپینسر لووجوئے کو شکست دی، نور زمان کی کامیابی کا اسکور 8۔11، 2۔11، 11۔8 اور 6۔11 رہا۔
سیمی فائنل میں عاصم خان کا مقابلہ نور زمان سے ہوگا جبکہ اشعب عرفان سیمی فائنل میں انگلینڈ کے ٹام والش سے مقابلہ کریں گے۔
