قومی فٹ بالر ملکہ نور نے انٹرنیشل فٹ بال سے ریٹائرمنٹ کا اعلان کردیا

اردو انٹرنیشنل اسپورٹس ویب ڈیسک تفصیلات کے مطابق پاکستان ویمن فٹبال ٹیم کی سب سے تجربہ کار کھلاڑی ملکہ نور نے انٹرنیشنل فٹ بال سے ریٹائرمنٹ کا اعلان کردیا ہے، ملیکہ نور نے پاکستان کی جانب سے سب سے زیادہ 25 میچز کھیلے۔

ملکہ نور 2010 میں بننے والی پہلی پاکستان ویمن فٹبال ٹیم میں شامل تھیں اور اب تک ہونے والے ہر اہم ایونٹ میں انہوں نے بطور ڈیفینڈر پاکستان ویمن فٹبال ٹیم کی نمائندگی کی۔

ملکہ نور نے مختلف ایونٹس میں پاکستان کی جانب سے 25 میچز کھیلے ہیں۔ انہوں نے 2010 میں مالدیپ کیخلاف پاکستان کی پہلی انٹرنیشنل فتح میں گول کیا تھا۔

ملکہ نور نے سوشل میڈپا پر اپنی ریٹائرمنٹ کا اعلان کرتے ہوئے کہا کہ یہ ان کا زندگی کا سب سے مشکل فیصلہ ہے کیوں کہ وہ اس کیلئے تیار نہ تھی اور چاہتی تھیں کہ مزید اور چند سال پاکستان کیلئے کھیلیں۔

اپنی بات کو جاری رکھتے ہوئے ملیکہ نور مزید کہتی ہیں کہ اب صورتحال بدل گئی ہے اس لئے انٹرنیشنل فٹبال سے ریٹائرمنٹ کا اعلان کرنا پڑ رہا ہے۔

لیکن ملکہ نور بدستور ڈومیسٹک فٹبال کھیلتی رہیں گی۔