کیون پیٹرسن نے بنگلہ دیش کی شکست کے بعد پاکستانی کرکٹ کے معیار پر سوال اٹھا دیا

کیون پیٹرسن نے بنگلہ دیش کی شکست کے بعد پاکستانی کرکٹ کے معیار پر سوال اٹھا دیا

اردوانٹرنیشنل(اسپورٹس ڈیسک) تفصیلات کے مطابق انگلینڈ کے سابق کپتان کیون پیٹرسن نے راولپنڈی میں بنگلہ دیش کے خلاف پہلے ٹیسٹ میں بھاری شکست کے بعد پاکستان کرکٹ کے “معیار” پر سوالیہ نشان لگا دیا ہے۔

پاکستان کو بنگلہ دیش کے ہاتھوں 10 وکٹوں سے شکست کا سامنا کرنا پڑا، ایشیائی ٹیم کے خلاف طویل ترین فارمیٹ میں پہلی شکست کی وجہ انتخاب کے کچھ قابل اعتراض فیصلوں کی وجہ سے تھی، جس میں پاکستان کا آل پیس اٹیک کا انتخاب سب سے اہم تھا۔

پیٹر سن نے ایکس پر ایک پوسٹ میں لکھا کہ پاکستان میں کرکٹ کو کیا ہوا؟ جب میں نے پی ایس ایل کھیلا تو اس لیگ کا معیار بہت اچھا تھا، کھلاڑیوں میں کام کرنے کی اخلاقیات بہت اچھی تھیں اور نوجوانوں میں جادو تھا، وہاں کیا ہو رہا ہے؟

یاد رہے کہ پیٹرسن نے پی ایس ایل فرنچائز کوئٹہ گلیڈی ایٹرز کی 2016 سے 2018 کے درمیان 27 میچز میں نمائندگی کی۔

دونوں ٹیمیں اب ایک بار پھر اسی مقام پر 30 اگست سے 3 ستمبر تک دوسرے ٹیسٹ میں آمنے سامنے ہوں گی۔